एकांत ✨

"मला शांत राहायला आवडतं,

कारण माझ्या शांततेच्या जीवनशैलीत

माझ्या विचारांना पाझर फुटतो…

आणि प्रत्येक थेंब एक नवा अर्थ सांगतो.

या सगळ्यात, माझा एकांत माझा सर्वात जवळचा सोबती ठरतो."

THR ✨

चांगुलपणा✨

"चांगले वागून पण वाईट…मग वाईट वागून कुठे चांगले म्हणणार आहेत?"

"ही दुनिया चांगले वागणाऱ्यांची नाही… इथे चांगुलपणा गृहित धरला जातो, 

आणि शांतपणा दुर्बळता समजली जाते."

 "कारण चांगले वागणं म्हणजे स्वतःच्या पायावर कुऱ्हाड मारल्यासारखंच…"

 "आता शिकतेय –चांगुलपणा राखायचा… पण स्वतःला विसरून नाही!"

THR✨

💎 खजिना 💎

"कधी कोणत्या गोष्टीची गरज पडेल, सांगता येत नाही...

म्हणूनच प्रत्येक अनुभव,

प्रत्येक माणूस,

आणि प्रत्येक गोष्ट 

खजिन्यात जपून ठेवावी लागते.

कधी आठवण म्हणून,

कधी शिकवण म्हणून,

तर कधी आधार म्हणून ते सगळं उपयोगी पडतं.

कधीतरी क्षणभर थांबून

त्या खजिन्यात डोकावून बघा —

तिथेच सापडेल हरवलेलं समाधान."

THR ✨

"तुझ्या प्रेमाचा नशा"✨

"तुझ्या प्रेमाचा नशा"

तुझ्या प्रेमाचा नशा असा चढला,

की मी स्वतःचे भानच हरले...

दरवेळी तू डोळ्यासमोर असावा,

आणि काळजाचे ठोके वाढावे...

तुझ्या स्पर्शात असते एक जादू,

जी वेड लावते मनाला...

तुझ्या मिठीत विसरते जग,

फक्त तूच आठवतो साऱ्या क्षणाला...

तुझ्या नावाने हसते ओठ,

आणि डोळ्यात स्वप्नांची दुनिया सजते...

तुझ्या एका शब्दात मिळते शांतता,

जिची कुठेच सर येत नाही जगते...

प्रत्येक सकाळी तुझ्या विचारांनीच सूर्योदय होतो,

रात्र तुझ्या मिठीत चांदणं भरते...

माझ्या प्रत्येक श्वासात तू सामावलाय,

हे प्रेम... वेळेपेक्षाही जास्त तुझ्यात गुंतून जपले जाते...

THR ✨