विठ्ठला आली आषाडी एकादशी
दिंड्या चालल्या पंढरीसी
सखुबाई पुसे विठ्ठलाशी कशी मी येऊ सांगा पांडुरंगा...
भीमा आणि चंद्रभागा नदीभरलीसे गंगा
अंघोळीला नाही जागा कशी मी येऊ सांगा पांडुरंगा...
सखूबाई बांदली खांबासी कुलूप लागले दारासी,
सखुबाई पुसे विठ्ठलासी कशी मी येऊ सांगा पांडुरंगा...
सासुबाईचा सासरवास,
पती गेले परदेश कशी मी येऊ सांगा पाडूरंगा...
विठ्ठला आली आषाडी एकादशी...
गं.भा.इंदुबाई महादूशेट बडगुजर
पिंपरखेड तालुका भडगाव जिल्हा जळगांव
हल्ली मुक्काम औरंगाबाद
🙏🏻🙂THR 🙂🙏
विठ्ठल विठ्ठल हाका मारीते वनात
हाती टाळ विना उभी तुळशीवनात ||
स्वर्गेच्या वाटेला यम करतील घाण, खरसांग आत्मराजा किती केल पुण्यादान विठ्ठल विठ्ठल...||
स्वर्गेच्या वाटेला यम करतील दशा, खरसांग आत्माराजा किती केल्या एकादशा
विठ्ठल विठ्ठल... ||
स्वर्गेच्या वाटेला आत्मा चालला घाई घाई,
कशाची आई बाई शेवट पुण्य संगे येई विठ्ठल विठ्ठल...||
स्वर्गेच्या वाटेला आत्मा चालला एखला एखला सोबत गुरुचा दाखला
विठ्ठल विठ्ठल...||
गं.भा.इंदुबाई महादूशेट बडगुजर
पिंपरखेड तालुका भडगाव जिल्हा जळगांव
हल्ली मुक्काम औरंगाबाद
🙏🏻🙂THR 🙂🙏
सदगुरु महिमा काय वरणू या जगात
चार दिवस गुप्त होऊन बसले भूमीत ||धृ||
वाल्या कोळीसारखा पापी नाही या जगात,
एक एक मनुष्य मारून खडा टाके रांजनात ||
अशा खड्याचे सात रांजन भरले रानांत,
झाला भुमीवर भार नारद आले धावत ||
अरे अरे वाल्या पाणी येऊदे तुझ्या हृदयात,
येवढे करशील पाप हिस्सा घेईल कोणी त्यात ||
हिस्सा घेईल घरची अस्तूरी प्रेम माझ्यावरत,
घरीजाऊन प्रेमसखेला काय विचारत ||
माझ्या पापाचा हिस्सा घ्यावे त्वरीत,
जो करेल तो भरेल आम्ही नाही जाणत ||
धावत पळत आला वाल्या धरीनारदाचे पाय,
नारद ठेवी मस्तकावरी हात ||
रामनामाचा जप मांडीला या रानात,
वाल्या कोळीचा वाल्मीक झाला महापुराणात ||
सदगुरू महीमा काय वरणु या जगाल,
चार दिवस गुप्त होऊन राहिले भुमित ||
गं.भा.इंदुबाई महादूशेट बडगुजर
पिंपरखेड तालुका भडगाव जिल्हा जळगांव
हल्ली मुक्काम औरंगाबाद
🙏🏻🙂THR 🙂🙏
माझ्या अंगणात खेळू नको नंदलाला हा...हा...
खेळू नको नंदलाला
तुझी माझी आहे प्रीती,
लोक तुझ्यावर संशय धरती...
मी आहे मोठ्याची सून,
तुला माझ्या गळ्याची आन हा...हा...
माझ्या अंगणात खेळू नको नंदलाला हा...हा...
माझ्या अंगणात तुलसी वृंदावन,
तेथे करू नको मातीची घान
माझ्या अंगणात पंढरीनाथ,
विटे वरी उभा कटेवरी हात हा...हा...
माझ्या अंगणात खेळू नको नंदलाला
माझ्या अंगणात खेळू नको रे नंदलाला...
गं.भा.इंदुबाई महादूशेट बडगुजर
पिंपरखेड तालुका भडगाव जिल्हा जळगांव
हल्ली मुक्काम औरंगाबाद
🙏🏻🙂THR 🙂🙏
नका ठेवा अभिमान अंतरी,
जिवन आहे दुपारची सावली ||
रावनाने गर्व केला,शक्ती असून मिळाला धुळीला ||
चांगल्या चांगल्याची मान वाकली खाली
जीवन आहे दुपारची सावली ||
श्रीरामाचे साहय असूनि, सीता ठेविली तपोवणी
जे लिहीले असेन कपाळी,ते चुकेणा कधीकाळी
जिवन आहे दुपारची सावली ||
हरीचंद्राने स्वतःला विकून टाकिलें, डोम्याघरी पाणी वाहिले,
पाहा राजाचा बनला भिकारी
अन्नअन्न करत फिरतो दारोदारी
अभिमानाची नशा नाही चांगली
जीवन आहे दुपारची सावली ||
गं.भा.इंदुबाई महादूशेट बडगुजर
पिंपरखेड तालुका भडगाव जिल्हा जळगांव
हल्ली मुक्काम औरंगाबाद
🙏🏻🙂THR 🙂
झांशीची राणी लक्ष्मीबाई ती एक होती नार
ढाल छातीशी पुत्र पाठीशी कमरेला तलवार |
होऊन गेले शिवाजी राजे गाजविली तलवार |
भारताचे निशान आम्ही नाही सोडणार
स्वातंत्र्याचे निशान आम्ही नाही सोडणार ||
भारत स्वतंत्र झाला इंग्रज - गेले पार
इंग्रजाच्या लाथा खाल्या नाही तुम्हाला लाज
महात्मा गांधी, सुभाषबाबू, पंडील नेहरू यांचा बोला जयजयकार |
भारताचे निशान आम्ही नाही सोडणार
स्वातंत्र्याचे निशान आम्ही नाही सोडणार ||
गं.भा.इंदुबाई महादूशेट बडगुजर
पिंपरखेड तालुका भडगाव जिल्हा जळगांव
हल्ली मुक्काम औरंगाबाद
🙏🏻🙂THR 🙂🙏
चला जाऊ अयोध्येला सुमनवाहू श्रीरामाला ||धृ||
नाही केली तुझी सेवा म्हणून रूससीन का देवा ||
कंठी शोभे श्रीरामाला, पदक शोभे श्री बाळाला
चला जाऊ अयोध्येला सुमनवाहु श्रीरामाला ||1||
कैकई दृष्ट कारण झाली वचन तिने पुरे केले ||
दशरथाने शोक केला रामासाठी प्राण दिला
चला जाऊ अयोध्येला सुमन वाहु श्रीरामाला ||2||
डाव्या हाती सीतामाई मारूतीचे चित्र पाही
आनंद झाला मनाला
चला जाऊ अयोध्येला...||3||
गं.भा.इंदुबाई महादूशेट बडगुजर
पिंपरखेड तालुका भडगाव जिल्हा जळगांव
हल्ली मुक्काम औरंगाबाद
🙏🏻🙂THR 🙂
ऊना ऊना चहा घ्यावे गोविंदा
वीनविते तुला बाळ मुकुंदा || ||
त्रिगुणी चूल पंचरतन
सत्वाचे भांडे दिले ठेवून,
काम क्रोधाचे सरपण लाविले
पाणी नेमाचे आंदण ठेविते,
राम नामे नामाची चहा टाकीते
भक्तीची साखर आत सोडीत,
प्रेमाची उकळी आली आतून
वैराग्य दुध दिले सोडून,
आत्मा हा कप बुद्धीची बशी
पांडूरंगाची होईल दासी,
वैराग्य पातळ बहुमोल आला
आनंद झाला आत्मारामाला,
ऊना ऊना चहा घ्यावे गोविंदा
वीनविते तुला बाळ मुकुंदा || ||
गं.भा.इंदुबाई महादूशेट बडगुजर
पिंपरखेड तालुका भडगाव जिल्हा जळगांव
हल्ली मुक्काम औरंगाबाद
🙏🏻🙂THR 🙂🙏
आज माझ्या हरीचा उपवास
हरी तुम्ही फराळ करा सावकाश ||
लाडू पेढे ताजी सांजरी, खीर खीचडी साबूदाण्यानी, ताजा द्राक्षाचा घड
आज माझ्या हरीचा उपवास ||
तुप लोणी खवासाकर, बदामबीया आवळा केसर, ताजा ऊसाचा रस
आज माझ्या हरीचा उपवास ||
रामफळ, सीताफळ
पाण्याची झारी भरूण ठेवली, साजूक आंब्याचा रस
आज माझ्या हरीचा उपवास ||
फराळ झाला चक्रपाणी, जाऊन बसले स्वस्थानास
आज माझ्या हरीचा उपवास ||
हरी तुम्ही फराळ करा सावकाश
हसून बोले द्रौपदा भगीनी,
बोलून आणूका रुखमीनी वहीणीस
आज माझ्या हरीचा उपवास ||
गं.भा.इंदुबाई महादूशेट बडगुजर
पिंपरखेड तालुका भडगाव जिल्हा जळगांव
हल्ली मुक्काम औरंगाबाद
🙏🏻🙂THR 🙂🙏
हे पहा तुम्हाला एक गोष्ट सांगते
त्याच उत्तर तुम्हाला देता येईल का ?
हे पहा तुम्हाला एक गोष्ट सांगते...
ऐका ऐका आमच्या म्हातारीचा परीवार,
म्हातारी लई गुणवान,
म्हातारीची कहाणी...
म्हातारीला मुले चार ?
म्हातारीला नातू अठरा ?
म्हातारीला एक मुलगी ?
लई म्हातारी गुणवान
जन्म मरण नाही तिला ?
तुकाराम शरण गेला ?
उत्तर =
हे पहा तुम्हाला एक गोष्ट सांगते
त्याच उत्तर तुम्हाला देता येईल का ?
हे पहा तुम्हाला एक गोष्ट सांगते...
ऐका ऐका आमच्या म्हातारीचा परीवार,
म्हातारी लई गुणवान,
म्हातारीची कहाणी...
म्हातारीला मुले चार ?(चार वेद)
म्हातारीला नातू अठरा ? (अठरा पुराण)
म्हातारीला एक मुलगी ? (एक मुलगी भक्ती देशभर फीरते)
लई म्हातारी गुणवान
जन्म मरण नाही तिला,
तुकाराम शरण गेला?
म्हातारी पुथ्वी.
गं.भा.इंदुबाई महादूशेट बडगुजर
पिंपरखेड तालुका भडगाव जिल्हा जळगांव
हल्ली मुक्काम औरंगाबाद
🙏🏻🙂THR 🙂🙏
सुख दुःख नाही चुकले देवा दिकाला चुकणार नाही कधी या माणवाला ||धृ||
सत्यशील होता तो राजा श्रियाळ
अथितीच्या भोजनासाठी कापियले बाळ,
चांगुणा कांडतसे शिर उखळाला
चुकणार नाही कधी या माणवाला ||१||
सत्यशील नाही कोणी हरी चंद्रावाणी
राज्य वैभव सोडून वाहे डोम्याघरी पाणी,
हात जोडतसे तो स्मशान भूमीला
चुकणार नाही कधी या माणवाला ||२||
सत्यशील होता तो राजा गोपीचंद
मातेच्या वचनाचा नाही केला भंग,
सोडूनी गेला तो राज्य वैभवाला
चुकणार नाही कधी या माणवाला ||३||
श्रीकृष्णाचा जन्म झाला बंदिशाळेला
चौदा वर्षे रामप्रभू गेले वनाला,
अज्ञात वासात पांडव राहिले विराट देशाला
चुकणार नाही या माणवाला ||४||
गहिणीनाथाने बोध केला
निवृत्ती नाथाला,
निवृत्तीने बोध केला ज्ञानेश्वराला
चुकणार नाही कधी या माणवाला ||५||
सत्यशील होती ती सीता सावित्री
सर्प दंशाने मरीला पती,
यमापासून परत आणीले पतीच्या प्राणाला
चुकणार नाही कधी या माणवाला ||६||
सुख दुःख नाही चुकले देवा दिकाला चुकणार नाही कधी या माणवाला ||
गं.भा.इंदुबाई महादूशेट बडगुजर
पिंपरखेड तालुका भडगाव जिल्हा जळगांव
हल्ली मुक्काम औरंगाबाद
🙏🏻🙂THR 🙂🙏
