सोडून वैभव मंदिर आपुले,
सोडून द्वारकापुरी,
दळीत तसे देव जनीच्या घरी ||
शामल कोमल कांती सुंदर
तांबु शोभेपरी पितांबर,
तन्मय होऊन हरी गातसे ओवी जात्यावरी||
गहिवरले डोळे मिटूनी
श्रीकृष्णाची मूर्ती सावळी,
नाम तयाचे ओवितून ती गुंफू सुमनापरी,
दानेसरिता नयन उघडले कृष्ण सावळे तिने पाहिले
भाव फुलांचे अश्रू पडती श्रीहरी चरणावरती ||
गं.भा.इंदुबाई महादूशेट बडगुजर
पिंपरखेड तालुका भडगाव जिल्हा जळगांव
हल्ली मुक्काम औरंगाबाद
🙏🏻🙂THR 🙂🙏
No comments:
Post a Comment